kalendari Islam, Omer Kajjam

Në këtë ditë, 18 maj 1048, astronomi, matematikani dhe poeti mysliman persian, Omar Kajjam, lindi në Nishapur (Iranin e sotëm). Ai njihet kryesisht si shkencëtar, veçanërisht si astronom dhe matematikan që kontribuoi në kalendarin Xhelali. Ndërsa në Perëndim, ai është i njohur gjerësisht për Rubaiyat (rubairat) e tij.

Në 1070, ai u transferua në Samarkand dhe shkroi veprën e tij më të famshme të algjebrës, Traktat mbi Demonstrimin e Problemeve të Algjebrës. Ai gjithashtu zbuloi një metodë gjeometrike të zgjidhjes së ekuacioneve kubike duke kryqëzuar një parabolë me një rreth.

Kajjamit iu dërgua një ftesë nga Sulltan Malik Shah selxhuk dhe veziri i tij Nizam al-Mulk, duke i kërkuar Kajamit të shkonte në Esfahan për të ngritur një Observator atje. Astronomë të tjerë kryesorë u sollën gjithashtu në Observator në Esfahan dhe për 18 vjet Kajjam udhëhoqi shkencëtarët dhe prodhoi punë me cilësi të jashtëzakonshme.

Gjatë kësaj kohe Kajjam udhëhoqi punën në përpilimin e tabelave astronomike dhe ai gjithashtu kontribuoi në reformën kalendarike në 1079. Kajjam mati gjatësinë e vitit si 365.24219858156 ditë, që është jashtëzakonisht e saktë. / bota-islame.com